Бодибилдерката Мери Акиевска стана мајка, ја сподели првата фотографија од бебенцето кое доби преубаво име

Мери Акиевска го доби првото дете со Филип Шики Митровски.

27-годишната бодибилдерка ја сподели среќната вест на социјалните мрежи и ја објави првата фотографија од бебенцето. 

Парот за својата ќеркичка го избра нежното и необично име Срна и доби бројни честитки од пријателите и следбениците.

Непосредно пред породувањето, Мери и Филип направија трудничка фотосесија, со која ги овековечија последните моменти пред да го дочекаат најубавото животно поглавје – родителството.

Вљубените партнери стапија во брак во март годинава, токму на денот кога трикратната светска шампионка го прослави својот 27-ми роденден. Тогаш таа блесна во бела комбинација која ѝ го истакна трудничкото стомаче.

Веста за бременоста ја споделија на Нова година.

За време на бременоста, Мери во интервју за Фемина откри:

Бебко ни беше плански, само што не очекувавме дека толку брзо ќе се оствари посакуваното. Точно 30 септември беше тој среќен ден кога ги видовме двете цртки на тестот.

Не успеав да му направам посебно изненадување на сопругот, бидејќи додека бев во тоалет и се појавија цртките, тој ме побара на камера и сè дојде изненадувачки во ист момент и за двајцата. Не ни беше верно што се случи, па дури направив уште пет теста, а и проверка преку крвна слика. Тогаш конечно се уверивме дека ќе се оствариме како родители.