Бодибилдерката Мери Акиевска направи свадба со саканиот, ќеркичката преслатка како мини невеста

Мери Акиевска и Филип Шики Митровски викендов направија црковна венчавка и свадбена прослава.

Македонската бодибилдерка шармираше во романтична венчаница со чипка на нејзиниот специјален ден. Фустанот со корсет украсен со бисери ја следеше линијата на нејзиното тело, а долгиот вел внесе доза на елеганција во изгледот. Мери избра нежна шминка и фризура со локни, како и раскошен бидермаер со бели ружи.

Ѕвезда на свадбата беше 3-месечната ќерка на младенците, која изгледаше преслатко во бело невестинско фустанче.

Венчавката се одржа во црквата „Св. Петка“ во Црниче, а прославата продолжи во познат скопски ресторан.

Мери и Филип стапија во граѓански брак во март годинава. 

27-годишната шампионка за Фемина откри како се чувствува по склучувањето на бракот и како сфатила дека Шики е вистинскиот за неа.

„Се чувствувам преубаво, бидејќи влегов во брачни и семејни води, нешто што можеби во мојот живот и детството не сум го почувствувала толку силно. Сега со толку силен блесок, секој чекор ми е убав на овој пат.“

„Со Филип се знаеме долго време, но како познаници. Откако еден ден започнавме комуникација и таа траеше без прекин, толку убаво ни тргна разговорот, што се зближивме и до ден-денес сме неразделни. Покрај таа комуникација, сфатив дека тоа е тоа што го сакам“ – ни сподели таа.