Бодибилдерката Мери Акиевска ја сподели првата семејна фотографија по породувањето, нејзиниот сопруг честеше мекици

Мери Акиевска ужива во новата улога на мајка.

27-годишната бодибилдерка ја објави првата семејна фотографија со ќеркичката Срна и сопругот Филип Шики Митровски со кого стапи во брак март оваа година. Среќните родители со широки насмевки позираат заедно додека Филип ја држи ќеркичката во рацете.

Мери објави и фотографии од прославата по повод раѓањето на Срна и честењето со мекици и доби бројни честитки од најблиските.
 

„На мама и тато сум прва среќа и на сите гости Ви праќам бакнежи полна вреќа! Ви благодарам што дојдовте на мекиците во моја чест“ – стои на картички со чоколадна бонбона со името Срна.

Спортистката од Крива Паланка е трикратна светска шампионка во бодибилдинг и е синоним за непоколеблива дисциплина, а сега ќе паузира со кариерата за да ѝ се посвети на ќеркичката.

За време на бременоста, Мери во интервју за Фемина откри:

Бебко ни беше плански, само што не очекувавме дека толку брзо ќе се оствари посакуваното. Точно 30 септември беше тој среќен ден кога ги видовме двете цртки на тестот.

Не успеав да му направам посебно изненадување на сопругот, бидејќи додека бев во тоалет и се појавија цртките, тој ме побара на камера и сè дојде изненадувачки во ист момент и за двајцата. Не ни беше верно што се случи, па дури направив уште пет теста, а и проверка преку крвна слика. Тогаш конечно се уверивме дека ќе се оствариме како родители.