Блесна во бело, сечеше торта со „моторна пила“... Наташа Беквалац покрај ќерката Хана на промоцијата на новиот албум
Наташа Беквалац блескаше на промоцијата на својот нов албум „Мама“ во Белград.
45-годишната српска пејачка ја претстави својата нова музика облечена во бело од глава до пети.
На сцената, таа настапи во комбинација со кроп топ и расплака многумина со изведбата на песната „Мама“, меѓу кои и Александра Пријовиќ.
Покрај Наташа, на овој значаен настан, беше и нејзината 18-годишна ќерка Хана, која со гордост и љубов ја следеше секоја сцена. Таа ѝ се придружи на мајка си на сцената за сечењето на тортата со „моторна пила“.
„Најголемиот профит ми е токму ова што го доживувам, а тоа е жените да плачат со мојата музика и да се поистоветуваат и да се освестуваат за некои работи за кои досега не беа освестени“ – изјави Наташа на настанот.
„Албумот навистина не е само музика, туку има многу пораки, многу крици, барање помош“ – изјави претходно таа.
Наташа е мајка на две девојчиња. Хана ја има од првиот брак со Данило Икодиновиќ, додека втората ќерка, Катја, ја има со Лука Лазукиќ со кого се разведе во 2019 година по претрпено физичко насилство и малтретирање.
