Еди Марфи се отвори за животот со 10 деца во интервју за британскиот медиум Mirror.
Славниот актер, кој во април ќе наполни 60 години, од пет различни врски има пет сина и пет ќерки на возраст од 2 години до 31 година, за кои вели дека се „центар на неговиот свет“. Неговата ќерка Бела глуми заедно со него во најновиот филм „Coming 2 America“.
Филмот е продолжение на „Coming to America“ од 1988 година.
Во интервјуто за Mirror, Марфи зборуваше за татковството и за нормалниот живот на неговите 10 деца.
„Во април ќе наполнам 60 години и ги имам сите овие бебиња. Го обожавам татковството. Тоа е центарот на сè. Целата таа идеја да се прават по три филмови годишно, тоа е готово. Ги имам сите овие бебиња. Патем, одново и одново сфаќав дека никогаш не можеш да донесеш лоша одлука ако ги ставиш децата на прво место.“
„Кога ќе бидеш на крстосница, само помислуваш: ‘Што е најдобро за моите деца?’. Ако ја избереш таа рута, никогаш не носиш лоша одлука“ – рекол тој.
Запрашан дали се сложува со сите нив, Еди одоговорил дека има одлична врска со сите: „Благословен сум со моите деца. Немам ниту едно лошо семе. Моите деца се одлични, нормални луѓе и ниту едно не се однесува како холивудски кретен. Моите деца се паметни и се обидуваат да прават различни работи. Благословен сум со нив. Навистина ми се посреќи“.
