Исакин Јонсон и Мишел Густафсон со право се наречени најзлобниот пар на светот. Двајцата Швеѓани вчера објавија дека се свршени и дека имаат намера да стапат во брак.
Канибалот-убиец Исакин ја побарал раката на жената-вампир Мишел во психијатриската установа во којашто се сместени. И двајцата се затворени поради убиство.
Мишел и Исакин
33-годишниот Швеѓанец убил мајка на пет деца со која бил во врска, ѝ ја отсекол главата и потоа изел делови од нејзиното тело, а Мишел во 2010 година смртно прободела маж. Пред убиството, таа на својот блог напишала дека сака да им ги пресечува грлата на луѓе во метрото во Стокхолм, а потоа позирала како вампир со крв на устата и со нож и моторна пила во рацете.
Кон средината на ноември минатата година, Исакин преку MSN ја прашал Мишел дали сака да му биде девојка, а на 9 декември решиле да се свршат.
„Ја сакам Мишел. Никогаш не сум сретнал некој како неа. Сакам да водам некриминален живот“ – изјавил Jонсон за шведскиот весник Expressen.
Двајцата се наоѓаат во психијатриска установа и не се знае кога и дали воопшто ќе излезат оттаму. Според информациите од шведските медиуми, некои од пациентите во психијатриската установа се под надзор и по 20 години. Сепак, Мишел и Исакин се надеваат дека еден ден ќе можат да живеат заедно.
„Сакаме да живееме заедно, да чуваме кучиња и да се посветиме на нашите хобија, пирсање и тетовирање“ – изјавила Мишел.
Властите не се изјасниле дали на најзлобниот пар на светот ќе му биде дозволено да стапи во брак.