Битолска серенада: Спотот за песната „Кажи, кажи, Широк сокак“ на група Деспина инспирирана од вистинска љубовна приказна

Има ли нешто поромантично од вистинска љубовна приказна која започнала на култниот Широк сокак во Битола, поминала низ најубавите калдрми и на крајот се крунисала со брак? Токму една таква романса е преточена во песната „Кажи, кажи, Широк сокак“ на познатата група „Деспина“.

Автор на текстот е Никола В. Ристевски, музиката и аранжманот ги потпишува Михаил Мими Марковски, а главните улоги во видеозаписот ги имаат Маја Андоновска Илијевски и Кире Ѓоревски.

„Секоја голема љубов кога ќе се опее во песна, станува вечна“ - порачуваат авторите на оваа преубава серенада, која премиерно беше изведена на фестивалот „Ех таа серенада“ во Битола во 2024 година.