Били Ајлиш сними фотосесија за „Вог“.
За британското модно списание, 19-годишната пејачка покажа сосема невообичаен изглед со руса коса. Младата музичарка, која сме навикнати да ја гледаме во широка облека, го разголи своето тело во провокативни корсети од Burberry, Mugler, Valentino и Alexander McQueen, откривајќи ја својата тетоважа.
„Мојот став е дека можам да правам сè што ќе посакам. Треба да го правиш она што прави да се чувствуваш добро. Ако сакаш да си направиш операција, направи си операција. Ако сакаш да носиш фустан и некој смета дека си преголема за него, зае*и – ако чувствуваш дека изгледаш добро, изгледаш добро“ – рече таа во интервјуто во кое призна дека главна причина за нејзината депресија во минатото била телото.
„Поради начинот на кој ме гледа светот, јас не се чувствував вистински посакувано“ – рекла таа, откривајќи дека се чувствува „повеќе како жена“ со руса коса.
Фотосесијата беше снимена откако Ајлиш ја објави новата песна „Your Power“ која ќе биде дел од нејзиниот нов албум „Happier Than Ever“.
„Ми се допаѓаат овие фотографии и ми се допаѓаше да ја снимам оваа фотосесија. Прави го она што го сакаш, кога и да посакаш“ – пишува Ајлиш на Instagram.
