Бијонсе заведуваше на премиерата на новиот документарен серијал на нејзиниот сопруг Џеј Зи во Њујорк.
45-годишната музичка ѕвезда го придружуваше раперот на промоцијата на „JAŸ-Z In 8“, а за вечерта избра впечатлива црна креација од високата мода на Ели Сааб.
Транспарентниот фустан ја следеше нејзината силуета и беше богато украсен со црни апликации и светкави детали кои создаваа раскошен орнаментален ефект.
Бијонсе го надополни стајлингот со долги проѕирни ракавици, а русата коса ја носеше пуштена во крупни бранови. Дискретната шминка го задржа фокусот на впечатливата креација.
Премиерата беше посветена на новиот осумделен документарен серијал „JAŸ-Z In 8“, во кој Џеј Зи разговара со продуцентот Рик Рубин за музиката, стиховите, животните искуства и креативниот процес.
Во разговор за Extra на премиерата, 56-годишниот музичар зборуваше и за влијанието на неговата сопруга врз неговото творештво.
„Таа многу ме инспирира. Феноменален продуцент и текстописец е. И бестрашна е, пробува најразлични нешта“, изјави тој, додавајќи дека нејзината работа како продуцент понекогаш останува во сенка на нејзиниот исклучителен вокал.“
„Таа е неверојатен продуцент. Мислам дека бидејќи е толку извонредна пејачка, луѓето потценуваат колку е добра како продуцент. Таа е една од најдобрите што сум ги видел“ - додаде Џеј Зи.
Првите две епизоди од „JAŸ-Z In 8“ беа објавени на HBO на 18 септември.
