Безвременска убавица: Шерон Стоун ултра елегантна на моден настан во Милано

Шерон Стоун изгледаше зашеметувачки убаво на Bulgari B.zero1 Aurora Awards.

На модниот настан организиран од престижниот италијански бренд Bulgari, 63-годишната актерка шармираше со широка насмевка и заведуваше со минималистички црн фустан кој ја истакнуваше нејзината фигура.

Накитот со дијаманти и смарагди очекувано е дело на Bulgari.

Холивудската дива веќе неколку дена престојува во Милано каде присуствуваше и на ревијата на Доменико Долче и Стефано Габана и на промотивен настан во нивниот бутик.