Без Фотошоп: Жени споделуваат реални фотографии за да ги „нормализираат нормалните тела“
Нереалните стандарди за убавина започнаа да заземаат сè поголем замав и сè повеќе да влијаат врз самодовербата и менталното здравје на сите луѓе.
Предизвик на Instagram, кој започна под хаштагот #NormalizeNormalBodies, се бори да ја прикаже реалноста, која лукаво ја кријат беспрекорните рекламни кампањи и едитираните фотографии на социјалните мрежи.
Бројни жени од целиот свет се приклучија кон ова движење, споделувајќи реални фотографии со цел да ги „нормализираат нормалните тела“.
Овој тренд го започна блогерката Мик Зазон за да апелира дека треба да се слават нормалните тела, кои не се доволно застапени на интернет.
