„Бев немилосрдно исмејувана“: Ѕвездата од „Sex And The City“ се отвори за користењето филери и Ботокс

Кристин Дејвис се отвори за користењето Ботокс и филери, како и за нејзиното исмејување од страна на интернет корисниците поради естетските корекции.

58-годишната ѕвезда од „Sex And The City“ призна дека поминала низ стресен период и дека плачела поради тоа што била немилосрдно исмејувана.

Кристин чувствувала голем притисок да изгледа како во нејзината младост особено пред појавувањето во продолжението од серијата, насловено „And Just Like That“.

„Тешко е постојано да се соочувате со вашата помлада верзија. Предизвик е да запомнете дека не мора да изгледате на тој начин. Интернетот го сака тоа, но исто така не го сака. Многу се конфликтни“ – отворено зборувала таа.

Дејвис со години користела само Ботокс и била среќна со резултатите, но по долго време, одлучила да проба и филери. Промените во изгледот резултирале со бројни критики, кои ја растажиле.

„Сум пробала филери кои биле добри и филери кои биле лоши. Морав да одам да ги разградат и немилосрдно бев исмејувана. Плачев поради тоа. Многу е стресно“ – рекла таа.

За филерите кои си ги имала ставено на усните, популарната актерка изјавила: „Долго време, никој не ми кажуваше дека не изгледаат добро. За среќа, имам добри пријатели кои ми кажаа на крајот. Работата е што не си се смееш себеси пред огледалото. Мислам кој се смее сам на себе пред огледало? Лудите луѓе“.

Погледнете го трејлерот за претстојната втора сезона од „And Just Like That“:

Кристин заедно со Сара Џесика Паркер, Синтија Никсон и Ким Катрал се прославија по улогите во „Sex And The City“.