Бери Кеоган - од момче кое порасна во 13 згрижувачки семејства до актер номиниран за Оскар
Животниот пат на Бери Кеоган не бил лесен, но сега има за што да се радува, бидејќи е меѓу номинираните за Оскар за Најдобар актер во споредна улога.
30-годишната ѕвезда од „The Banshees of Inisherin“ и неговиот брат Ерик останаа сираци откако нивната мајка го напушти овој свет. Таа била зависничка од дрога и починала кога тој имал само 12 години. Седум години од животот со брат му ги поминале живеејќи во 13 згрижувачки семејства.
„Секое семејство беше добро спрема нас. Како дете, не знаеш што се случува. Се приврзуваш, а потоа БУМ, одиш на друго место. Немам родно место“ – рекол тој.
Својата прва филмска улога, Бери ја добил во 2011 година, по што започнал да посетува часови по глума во Даблин.
Во 2019 година, ја доби улогата на Павел во мини-серијата „Chernobyl“, а во 2021 година глумеше во „Eternals“ покрај Анџелина Џоли и Салма Хајек.
Покрај глумата, тој аматерски се занимава и со бокс, а е татко на малиот Брендо роден на 8 август 2022 година.
Улогата на Доминик во „The Banshees of Inisherin“ била напишана специјално за него.
Во неговиот следен филмски проект „Saltburn“ ќе ја има главната улога. „Тоа е мојата прва главна улога“ – рекол Бери.