Бен Афлек 40 дена се лекуваше од зависност од алкохол во центар за рехабилитација. Популарниот актер со порака им се заблагодари на фановите за поддршката и сподели дека посветено ќе се бори да остане трезен.
„Надминувањето на која било зависност е доживотна и тешка борба. Тоа е обврска за која треба постојана посветеност. Јас се борам за себе и за моето семејство. Многу луѓе ме контактираа на социјалните мрежи и ги споделија со мене нивните патувања со зависност. На тие луѓе сакам да им речам – благодарам. Вашата сила е инспиративна и ме поддржувате онака како што не мислев дека е можно. Помага што знам дека не сум сам. Како што и самиот си се потсетувам себеси: Ако имаш проблем, барањето помош е знак на смелост, а не на слабост и неуспех“ – се вели во неговата порака.
46-годишниот актер беше одвезен во центар за рехабилитација од неговата бивша сопруга Џенифер Гарнер.
Џенифер одлучила да интервенира откако Бен беше уловен од папараците додека примаше пакет со алкохол пред неговиот дом.
Изминатиов август, во неколку наврати Бен беше фотографиран со 22-годишната Шона Секстон, а на неговото лице се гледаше дека не е во трезна состојба. Неговата врска со Плејбој моделот следуваше по разделбата со Линдзи Шукус.
За доброто на нивните три деца, Џенифер ја презеде главната улога за да му помогне на Бен да се оттргне од канџите на зависноста. Ова е трет пат тој да побара помош од специјалисти за алкохолизам.
