„Патување низ италијанската убавина и љубов“ е описот на најновата колекција висока мода на дизајнерското дуо Доменико Долче и Стефано Габана.
Во услови на пандемија, креаторскиот тандем немаше можност да ги покани своите најистакнати клиенти на спектакуларна ревија на бајковита италијанска дестинација, како што секогаш практикуваше за презентирањето на рачно изработените колекции. Наместо со ревија пред публика, дигитално ги претстави колоритните парчиња инспирирани од италијанскиот начин на живот.
Доловувајќи на суштината на италијанските лета, особено на одморите од 50-тите и 60-тите години, со секоја креација, Долче и Габана целат да го оживеат концептот „Bella Vita“ (Убав живот).
