Мери Хелен Бауерс одушевува со своите грациозни движења и во деветтиот месец од бременоста. 33-годишната балерина ја документирала својата бременост со прекрасни фотографии поради кои доби огромен број на комплименти.
Елегантната трудница не прекинала да вежба во текот на бременоста и вели дека деветмесечното патување е магичен период во нејзиниот живот. „Бременоста е магична, никогаш не сум се чувствувала поповрзана со своето тело“ – рекла таа за Huffington Post.
Мери е убедена дека вежбањето ѝ помогнало да ги избегне болките во грбот и подуеноста кои се карактеристични за последните месеци од бременоста и нема да намера да прекине сè до породувањето.
За да продолжи да се занимава со балет, Мери прво добила дозвола од својата докторка која целосно ја поддржала и ѝ помогнала да создаде нови движења за трудници. „Промените низ кои поминува телото во бременоста се радикални, јас навистина се потрудив да го прифатам своето ново тело и се надевам дека ќе охрабрам и други жени да го сторат истото“ – изјавила Мери.
Мери е основач на „Ballet Beautiful“, фитнес програма инспирирана од балетот.