Волшебната ревија на Ралф и Русо е потсетник зошто славни дами како Анџелина Џоли, Бијонсе, Џенифер Лопез, Меган Маркл и Шерил се обожавателки на овој успешен британски бренд.
Креативната директорка, Тамара Ралф, пронајде инспирација во источните култури за колекцијата висока мода пролет/лето 2018. Гламурозните рачно изработени креации се темелат на женствени силуети, а се украсени со кристали, бисери, пердуви од ној и тенки реси од свила.
Модното шоу заврши со спектакуларна венчаница со „сваровски“ кристали, која ја носеше славната блогерка Камила Коељо.
