За време на одморот во Анталија, Лара Иванова имаше прекрасен повод за славење. Македонската пејачка го одбележа 22-риот роденден и на Instagram покажа како уживаше на овој специјален ден за неа.
Шармантната музичарка изгледаше сексапилно, позирајќи покрај базен во атрактивни металик бикини, кои ги искомбинира со впечатлив накит и модерни очила за сонце.
„Во моето 22. поглавје“ (In my 22nd chapter) – напиша кратко таа во описот на фотографиите.
Младата пејачка објави фотографии и од своите вечерни модни комбинации. Исполнителката на хитови како „Bella“ и „Доминантен“ изгледаше префинето и секси во бел припиен фустан со чипка, а мамеше погледи и во кратко тегет фустанче со разголен грб, кое ги истакна нејзините облини.
Слободно може да се каже дека роденденската авантура во Турција на Лара ѝ годи, а комплиментите за нејзиниот изглед не престануваат да се нижат.
