„Argo“ ја предводи листата на победници на Оскар 2013

Холивуд ги награди најдобрите во филмската индустрија за изминатава година, за време на манифестација исполнета со песна и танц.

Најпосакуваната награда заврши во рацете на Бен Афлек. Неговиот филмски хит „Argo“ беше прогласен за Најдобар филм. Тоа е и првиот филм по 1990 година којшто добил Оскар во главната категорија, без неговиот режисер да добие номинација во соодветната категорија.

Бен Афлек

Најголем победник на вечерта, ако се суди по бројот на добиени статуетки, беше „Life od Pi“, којшто победи во четири категории, а неговиот режисер Анг Ли ја доби титулата Најдобар режисер.

Даниел Деј-Луис го доби својот трет Оскар во категоријата Најдобар актер, за улогата на Линколн во истоимениот филм. Со примањето на златната статуетка, тој стана единствениот актер кој три пати ја имал честа да ја прими престижната награда Најдобар актер од Академијата за филмски уметности и науки.

Даниел Деј-Луис

Џенифер Лоренс се сопна, качувајќи се по скалите за да ја прими наградата Најдобра актерка за филмот „Silver Linings Playbook“. 22-годишната ѕвезда ја помина незгодата со огромна насмевка на лицето пред да одржи краток говор за да се заблагодари.

Џенифер Лоренс

Како што и беше очекувано, Ен Хетавеј го доби Оскарот за Најдобра актерка во споредна улога за улогата на проститутка во „Les Miserables“.

Кристоф Валц беше прогласен за Најдобар актер во споредна улога за „Django Unchained“. „Учествувавме во патувањето на херој, а херој во случајот е Квентин“ – изјавил Валц за Тарантино, кој доби Оскар за Најдобро оригинално сценарио.

„Brave“ беше прогласен за Најдобар анимиран филм, а „Amour“ за Најдобар филм од неанглиско говорно подрачје.

Хитот на Адел „Skyfall“ победи во категоријата Најдобра оригинална песна.

Адел