„Argo“ и „Les Miserables“ најголеми победници на „Златен глобус“

Синоќа им беа доделени наградите Златен глобус на најдобрите во филмската и телевизиската индустрија.

Филмот „Argo“ ги порази „Django Unchained“, „Lincoln“, „Life of Pi“ и „Zero Dark Thirty“ во трката за наградата Најдобра драма. Режисерот на „Argo“, Бен Афлек, ја освои статуетката за Најдобар режисер.

Бен Афлек

На прво место по број на освоени награди е „Les Miserables“. Филмскиот хит снимен според дело на Виктор Иго, беше прогласен за Најдобар мјузикл/комедија. За улогите во истиот филм Хју Џекман ја доби наградата Најдобар актер во мјузикл/комедија, додека Ен Хетавеј ја присвои наградата Најдобра актерка во споредна улога.

Ен Хетавеј

Џесика Частеин беше прогласена за Најдобра актерка во категоријата драма за „Zero Dark Thirty“, а Даниел Деј-Луис за „Lincoln“ ја доби наградата Најдобар актер во драма.

Наградата Најдобра актерка во мјузикл/комедија заврши во рацете на Џенифер Лоренс за „Silver Linings Playbook“.

Џенифер Лоренс

Квентин Тарантино доби златен глобус за Најдобро сценарио за филмот „Django Unchained“.

Златна статуетка за Најдобра оригинална песна доби Адел.

Адел

„Girls“ доби признание за Најдобра ТВ серија во категоријата комедија/мјузикл, а за Најдобра ТВ драма беше прогласена „Homeland“.