Антонио Бандерас сподели дека го слави 60-тиот роденден во карантин зашто е позитивен на коронавирус

Антонио Бандерас денес го слави 60-тиот роденден, но во карантин. Славниот актер објави дека е позитивен на новиот коронавирус и дека е во изолација.

„Се чувствувам релативно добро, само поуморен од вообичаено“– пишува тој во пораката со која ги уверува фановите дека има лесна форма на болеста КОВИД-19.

Исто така, тој додава дека ќе го искористи времето во изолација за учење, пишување и одмор, а објави и фотографија од детството.

Бандерас е во врска со Никол Кимпел.