Антониа Гиговска со ефектно модно издание пленеше на дипломската прослава на моделот Елена Ѓорговска.
Македонската пејачка изгледаше шармантно во разнобоен фустан со пастелни нијанси од македонското ателје Sidor. Разиграниот крој беспрекорно ѝ ја следеше силуетата додека рафинираната игра со бои и материјали внесе авангарден дух.
Естетската хармонија беше заокружена со врвен мејкап потпишан од нејзиниот верен соработник Даниел Николовски.
Гиговска, која неодамна го издаде својот втор албум „Жена“, ги подигна сите на нозе на свеченоста во Шато Камник.