Антониа Гиговска викендов уживаше во спектакуларната атмосфера на концертот на Лејди Гага во Милано.
Македонската пејачка привлече големо внимание со својот впечатлив изглед и модниот избор. За музичкиот спектакл во Италија, Антониа избра смела црна модна комбинација од Дејан Сидор, а за нејзината шминка и фризура се погрижи Марјан Петров.
Гиговска сподели фотографии и видеа на кои ги пее песните на светски познатата музичка дива.
„Дечки, јас уште не можам да си дојдам на себе. Жената е музика. На секоја песна нов костим, за нејзе, за танчерите. На секоја песна, нова сценографија. На секоја песна, цела приказна, театар. Јас сум уште во шок. Ако некогаш доживеам концерт со моја музика, сакам истово да ви го приредам“ – напиша таа.
Заедно со Лејди Гага на сцената танцуваше и Австралиецот со македонско потекло Мајкл Дамески.
„Не знам колку знаете, нашиот Мајкл Дамески игра со Лејди Гага. Соништата се остваруваат ако силно веруваш во нив“ – напиша Антониа.
