Антониа Гиговска со нов имиџ со портокалова коса во Скопје, се гушкаше и бакнуваше со синчето

Антониа Гиговска со нов имиџ блесна на концертот за одбележување на 35 години од независноста на Македонија во Скопје.

Младата пејачка по долги години направи радикална промена на косата, и од русокоса стана „џинџерка“, а си направи и шишки. 

„Пред да станам џинџерка“ - се пошегува таа во описот на фотографии на кои сè уште е русокоса.

Гиговска на сцената се појави во уникатна креација во крем боја со црвени детали, со потпис на нејзиниот соработник Сидор. Изгледот го надополни со црвени високи потпетици, а за шминката и фризурата се погрижи Даниел Николовски.

На фотографиите од вечерта, гордата мајка која неодамна го издаде албумот „Жена" позира и со синот Киан, кој е пресладок во комплет во зелена и бежова боја. На една од нив, тие нежно се бакнуваат, а на друга се прегрнуваат.