Антониа Гиговска со драматичен стајлинг на „Макфест“, ја прими наградата Најслушана песна за „Жена“

За време на втората вечер на јубилејното 40. издание на „Макфест“, наградата за најслушана песна меѓу двата фестивали ѝ беше доделена на Антониа Гиговска за „Жена“.

Градоначалникот на Штип, Иван Јорданов, ѝ врачи ваучер во вредност од 120.000 денари, како признание за успехот и популарноста на песната кај публиката.

На сцената во Домот на културата „Ацо Шопов“, младата ѕвезда се појави во впечатливо издание. Драматичната црвена креација од брендот Sidor, Антониа ја искомбинира со прстени од Chapter.03, а шминката и косата ѝ беа осветлени за да се долови албино изглед.

„Жена“, која е една од најпопуларните песни на Гиговска, е современа поп-балада со емотивен текст и карактеристичен рефрен.

Фото: Тоши Трајчев, Дејан Коцев / Femina.mk