Анџелина Џоли синоќа го украде целото внимание на црвениот тепих на 20-тото издание на Филмскиот фестивал во Рим.
На премиерата на нејзиниот нов филм „Couture“, 50-годишната оскаровка носеше едноставен црн фустан со гол грб со потпис на Алберта Ферети, совршено кроен за да ги истакне нејзините големи тетоважи.
Тетоважите на Џоли имаат длабоко значење поврзано со нејзиниот живот и идентитет. На долниот дел од грбот, таа има тетоважа од бенгалски тигар, симбол на нејзината почит кон Камбоџа, земјата од каде има државјанство. Горниот дел од грбот е украсен со будистичка молитва посветена на нејзиниот син Медокс, како и тетоважа инспирирана од рок-групата The Clash со натписот „Know your rights“ (Знај ги своите права).
Ова не е првпат Џоли да избере фустан кој ги истакнува нејзините тетоважи.
