Анастасија Ражнатовиќ објави фотографии од породувањето: Од првите контракции до моментот кога го зеде Илијан во раце

Анастасија Ражнатовиќ целата бременост ја чуваше далеку од очите на јавноста, а сега реши да сподели дел од најинтимните моменти од раѓањето на нејзиниот син Илијан.

Српската пејачка на Instagram објави серија фотографии од болницата, со кои ги откри моментите пред и по породувањето. На дел од нив се гледа како лежи додека ѝ прават кардиотокографија (ЦТГ), а потоа и како ги поминува контракциите на јога-топка.

Во тие тешки моменти покрај неа бил сопругот Немања Гудељ, кој ѝ пуштал музика од нејзината омилена плејлиста за да ја опушти и да ѝ помогне полесно да ги помине последните часови пред раѓањето на нивното бебе.

Анастасија ја сподели и првата фотографија со штотуку родениот Илијан во прегратка, додека на последната фотографија од серијата Немања го носи бебето дома.

Илијан е прво дете на ќерката на Цеца Ражнатовиќ и познатиот фудбалер. Двојката претходно помина низ тежок период, откако изгуби едно бебе поради спонтан абортус.