Избрана е македонската претставничка на детката Евровизија 2026.
Македонската радио-телевизија со задоволство објави дека Ана Стојаноска ќе нè претставува на музичкиот натпревар, кој ќе се одржи на 24 октомври 2026 година во Валета, Малта.
Ана беше избрана по спроведена аудиција за избор на претставник на нашата земја. По внимателно разгледување и преслушување на настапите на кандидатите, стручната жири-комисија донесе едногласна одлука, препознавајќи ги вокалните способности, сценската појава и уметничкиот потенцијал на Ана.
Композицијата со која Ана ќе настапи е дело на Никола Мицевски, едно од најпочитуваните и најуспешни имиња на македонската музичка сцена. Песната беше избрана преку отворен конкурс за автори, при што жири-комисијата исто така донесе едногласна одлука во корист на композицијата на Мицевски.
Текстот на песната е дело на Илчо Нечовски, познат на пошироката јавност како дел од популарниот македонски бенд „Дупер“ - стои во соопштението.
Ана беше меѓу учесниците во „Музичка фабрика“ и одушеви со изведба на „Зајди, зајди“. Слушнете ја тука: