Семејството на Ана Курникова и Енрике Иглесијас ќе добие нов член.
44-годишната поранешна тенисерка и 50-годишниот пејач го очекуваат своето четврто дете. Тие веќе имаат две близначиња и уште една помала ќерка.
Веста за People ја потврдил извор близок до парот.
„Ана и Енрике се пресреќни што повторно ќе станат родители. Докажаа дека се одлични родители на нивните три деца и двајцата го обожаваат тој процес. Уживаат во активностите и сè што доаѓа со растењето на децата“ – рекол изворот, додавајќи дека Енрике го намалил бројот на концерти за да поминува повеќе време со семејството.
„Тој ги обожава своите фанови и сака да биде на турнеја, но со возраста и родителството, му стана потешко да заминува. Да биде татко му е многу важно“ – додал изворот.
Убавата Русинка пред неколку дена беше фотографирана додека ги носеше трите деца на училиште.
Ана и Енрике започнаа да се состануваат во 2001 година. Нивните близначиња Николас и Луси се родија во декември 2017 година, а Мери во 2020 година.
