Ана Курникова и Енрике Иглесијас го добија четвртото дете и ја споделија првата фотографија од бебенцето

Семејството на Ана Курникова и Енрике Иглесијас се прошири со уште еден член.

Славниот пар го доби своето четврто дете и ја објави првата фотографија од него. На неа, бебенцето мирно спие во болницата по раѓањето.

50-годишниот пејач и 44-годишната поранешна тенисерка во заедничкиот пост го објавија датумот на раѓање на бебенцето, но не го открија ниту неговиот пол, ниту неговото име.

„Моето Сонце 12.17.2025“ – напишаа тие.

Ана и Енрике веќе ги имаат 7-годишните близначиња Луси и Николас, како и уште една помала ќерка, Мери. Веста за четвртата бременост се рашири пред три месеци, кога Ана беше фотографирана со трудничко стомаче.

Парот започна да се состанува во 2001 година.