Ана Костадиновска со скршено срце сподели фотографии од покојните колеги од ДНК, 6 месеци по пожарот

Поминаа шест месеци по страотниот пожар во дискотеката „Пулс“ во Кочани, во кој животот го изгубија 62 млади лица.

Ана Костадиновска со скршено срце и огромна тага сподели фотографии од колегите од групата ДНК кои ги изгуби таа вечер. Костадиновска исто така беше во дискотеката, но за среќа, успеа навреме да се спаси.

„Си беше еднаш... 6“ – напиша пејачката во описот на албумот, а на една од фотографиите додаде „Семејство“.

Во пожарот згаснаа животите на пејачот Андреј Ѓорѓиески, клавијатуристот Филип Стевановски, гитаристот Александар Коларов, тапанарот Ѓорги Ѓоргиев, придружниот вокал Сара Пројковска, бит-боксерот Мартин Атанасовски (Буцо), тонецот Игор Велков и фотографот Александар Ефремов.

Ана редовно споделува фотографии од нив, особено од нејзината пријателка Сара со која беа како семејство.