Американската тинејџерка Александрија Милс ја освои титулата Мис на светот 2010.
Таа во саботата беше прогласена за победничка на популарниот натпревар за убавина.
Александија Милс е Мис на светот 2010
Милс победи доста неочекувано на 60-тиот по ред натпревар кој се одржа во Кина. Ема Вареус од Боцвана го доби второто место, а Адриана Васини од Венецуела третото.
„Можеби е клише, но ова навистина е сон што ми се оствари. Не можам да поверувам дека ми се случува мене. Дојде моето време“ – изјавила низ солзи Милс откако било прочитано нејзиното име.
И многу други луѓе не можеа да поверуваат дека токму Александрија Милс е добитничка на титулата Мис на светот, а дека фаворитката Мериан Биркедал од Норвешка не успеа да влезе ниту меѓу првите пет.
Според многумина, ваквиот избор има политичка заднина и се смета дека нарушените односи меѓу Кина и Норвешка се причина фаворитката да не успее да стигне до крајот.
Македонија ја претставуваше 20-годишната Стефани Борсова.