Александра Радовиќ шармантна ѕвезда на хуманитарниот концерт во чест на Тоше Проески во Штип

Александра Радовиќ беше специјална гостинка на синоќешниот концерт во чест на Тоше Проески.

Српската ѕвезда шармираше на сцената во Домот на млади во Штип. Шармантната пејачка се појави на сцената во елегантен кафеав фустан кој совршено ѝ ја истакна фигурата и ја потврди нејзината ненаметлива женственост. Со раскошниот вокал и топлината, таа успеа да ја освои салата уште со првите ноти. Гласните аплаузи што следеа беа доказ за тоа дека нејзиниот настап беше вистинско уживање за сите присутни.

Пред фановите на Тоше, таа ги отпеа „Пратим те“ и „Чија си“.

Радовиќ, која настапи меѓу десетина македонски ѕвезди, многупати има зборувано за Тоше со одушевување. Во неодамнешно интервју, таа рече: „Тој имаше посебна емоција, посебна интерпретација, едноставно не беше како другите пејачи. Бог му имаше дадено сè, и убава боја на гласот и талент и филигрански пристап кон мелодиите“.

Фото: Тоши Трајчев