„Ако е ова сон, не сакам да се разбудам“: Новиот дечко на Џенифер Анистон романтичен на роденденот

Само два дена откако Џенифер Анистон ја направи својата љубовна врска официјална на Instagram, нејзиниот нов дечко возврати со романтична објава.

Џим Кертис ги сподели првите фотографии со 56-годишната ѕвезда од „Пријатели“, кои беа направени на забавата за неговиот 50-ти роденден. Популарниот хипнотизер ја покажа својата романтична страна и објави серија фотографии од прославата, на кои тие изгледаат вљубено и среќно.

„Ако е ова сон, не сакам да се разбудам“ – напиша тој.

Претходно, Анистон објави фотографија на која го прегрнува Кертис.

„Среќен роденден, љубов моја“ – напиша таа.

Блиски извори со парот велат дека Џенифер е посреќна од кога било. „Сè во нејзиниот живот конечно се усогласи. Џим е најдобар. Нејзините пријатели го обожаваат. Тој е смирен, топол и премногу ја поддржува. Донесе стабилност и позитивна енергија во нејзиниот живот“ – откри изворот близок до парот за People.

Анистон поттикна гласини дека е во врска со познатиот хипнотизер во јули, кога беа фотографирани на јахта на Мајорка. Оттогаш, тие повеќепати беа фотографирани заедно од папараците.

Ова е првиот љубовен партнер со кого Анистон се појавува во јавност по нејзиниот развод од Џастин Теру во 2018 година. Претходно, таа беше во брак со Бред Пит.