Адријана Лима ја сподели првата фотографија од малото синче откако блесна на настан во Катар
Адријана Лима за првпат го покажа лицето на нејзиниот 3-месечен син.
41-годишниот модел сподели фотографија на која саканиот Андре Лемерс го држи нивното прво заедничко дете, синчето Сајен. И двајцата се облечени во дресот на Бразил.
„Сине мој, во твојата насмевка мама ја гледа радоста која ја имаше што го помина првиот фудбалски натпревар со твојот татко. Наскоро, јас и твоите сестри ќе ви се придружиме за да можеме повторно да бидеме едно големо среќно семејство, како што сме секогаш! Те сакаме“ – напиша таа во описот.
Лима, која во минатото ги носеше ангелските крилја на Victoria’s Secret, присуствуваше на настан во Катар, каде блесна во светкав костум од Ели Сааб.
Таа беше и на отворањето на новата продавница на славниот либански дизајнер.
Лима се породи на 29 август, а неколку дена подоцна сподели фотографија од окото на новороденото бебе. Ова е нејзино трето дете. Таа има уште две ќерки од бракот со Марко Јариќ.