Популарноста на Адел се зголемува од ден на ден, а нејзиниот последен албум „21“ како магија освои милиони луѓе низ цел свет. Британската сензација сега и официјално го сруши рекордот поставен од Ејми Вајнхаус за најпродаван британски албум на 21. век.
Хит-албумот „21“ го надмина по бројот на продажби музичкиот албум на покојната Ејми, „Back To Black“. Според официјалните податоци, досега албумот на Адел е продаден во 3,4 милиони примероци, а албумот на Ејми во 3,3 милиони примероци.
Албумот на Адел за само 10 месеца успеа да ја достигне оваа популарност. Од друга страна, на „Back To Black“ му беа потребни 5 години за да ја достигне бројката од 3,3 милиони продадени примероци, а најголем дел од продажбите се должат на прераната смрт на Ејми.
Адел, која закрепнува од операција на гласните жици, неодамна доби шест Греми номинации. „Само неколку дена откако започнав повторно да зборувам, останав без зборови“ – напишала таа на својот сајт по повод номинациите.