Битола повторно живее во ритамот на филмот. Улиците, културните простори и фестивалските локации се исполнети со автори, филмски професионалци, гости и вљубеници во кинематографијата кои се дел од 47. издание на ИФФК „Браќа Манаки“.
Како генерален спонзор втора година по ред, А1 Македонија е дел од фестивалското искуство и од атмосферата што секоја година ја претвора Битола во центар на филмската уметност.
Во пресрет на свеченото отворање, А1 организираше коктел во Pionerski Book Bar, на кој гостите имаа можност да се сретнат, да се дружат и заедно да ја почувствуваат фестивалската енергија пред излегувањето на црвениот тепих.
Годинашното мото „Под исто светло“ ја пренесува суштината на фестивалот – на едно место да се сретнат различни култури, генерации и авторски визии, обединети од моќта на подвижната слика.
Покрај филмските проекции, фестивалот создава простор за размена на идеи, професионални средби и непосредна комуникација меѓу авторите и публиката. Токму овие средби му даваат посебна вредност и го прават едно од најпрепознатливите културни обележја на земјата.
Со поддршката на „Браќа Манаки“, А1 продолжува да ги поддржува настаните кои ги зближуваат луѓето и овозможуваат културата да допре до поширока публика.