„9 месеци без тебе, ангелче наше“: Таткото на тапанарот на ДНК, Ѓорѓи Ѓоргиев, скршен од болка 9 месеци по неговата смрт

Драги Ѓоргиев тагува поради смртта на својот син Ѓорѓи, кој го загуби животот во пожарот во Кочани.

Таткото на тапанарот на ДНК постојано споделува фотографии и видеа од него, а не пропушти да го направи тоа ниту на денот кога навршија девет месеци од трагедијата во дискотеката „Пулс“, која одзеде 63 млади животи.

На 16 декември, Драги објави фотографии на кои Ѓорѓи тропа на тапан на веселба.

„9 месеци без тебе, ангелче наше“ – стои во описот.

Во сите свои објави, Драги го нарекува својот син „АНГЕЛ“ и пишува дека тој ужасно му недостасува.

Ѓорѓи настапуваше во дискотеката „Пулс“ со групата ДНК кога настана пожарот. Во негова чест, брат му Димитар пред два месеци си направи тетоважа со неговиот лик и започна кампања за собирање 30.000 евра за подигнување на споменик во Струмица за брат му и останатите жртви во пожарот.

ФОТО: Facebook / Dragi Gorgiev