Сите припаднички на понежниот пол копнеат за убаво оформени раце, особено во топлите денови кога има модна доминација на маичките и фустаните со прерамки и кратки ракави.
Алекс Силвер-Феган, која е фитнес тренер, споделува вежби за цврсти раце без фитнес опрема, користејќи ја само тежината на своето тело.
Вежба 1: Повторување 30 секунди
Застанете во позиција за склекови. Подигнете го задникот кон таванот и со левата рака посегнете кон десното стапало. Потоа, кревајте ја левата рака нагоре и со полукружно движење насочете ја кон задниот дел од десната нога. Повторете ја вежбата и со десната рака.
Вежба 2: Повторување 30 секунди
Застанете во позиција за склекови. Дланките поставете ги под рамената, а телото нека ви биде во права линија. Спуштајте ги градите кон подот, но внимавајте при спуштањето лактите да формираат „стрела“, односно да бидат насочени наназад.
Вежба 3: Повторување 30 секунди
Застанете во планк позиција. Дланките нека ви лежат подот, а да бидат насочени нанапред. Подигајте го задникот нагоре, додека го спуштате предниот дел надолу, но внимавајте нозете да ви бидат исправени. Вратете се во првобитната позиција.
Вежба 4: Повторување 30 секунди
Застанете во планк позиција, подлактиците нека ви лежат на подот. Потоа користејќи ја десната рака подигајте го телото нагоре додека двете раце не ви бидат исправени. Повторете ја истата вежба, подигајќи се и со левата рака.
Вежба 5: Повторување 60 секунди
Легнете на стомак на подот и подигнете се на рацете. Одлепете ја десната дланка од подот, со неа допрете го левото рамено и посегнете кон таванот. Направете го тоа неколку пати со десната рака, а потоа преминете на другата страна.
Вежба 6: Повторување 60 секунди
Легнете на стомак на подот. Подигнете ги рацете и нозете нагоре во поза „супермен“. Истовремено подигајте ги десната нога и левата рака колку што можете погоре, а потоа истото направете го со левата нога и десната рака.
