Кој би поверувал дека Хали Бери веќе чекори во шестата деценија од својот живот?
50-годишната актерка ја истакна неверојатната фигура во фустан со реси од Версаче на оскаровската свеченост. Својот изглед младоликата актерка го надополни со обувки од брендот Vince Camuto и накиот од Forevermark.
Бери привлече големо внимание со својата природна фризура и минималната шминка. „Со овој изглед, ја славам мојата природна коса, дозволувајќи да биде слободна и дива“ – рекла славната холивудска ѕвезда.
На манифестацијата, Хали му ја додели наградата за Најдобар режисер на Демиен Шазел за „La La Land“.
Хали Бери е првата црна актерка во историјата која ја има освоено статуетката за Најдобра актерка. Таа победи во 2002 година, кога низ солзи одржа моќен говор на сцената.