Линда Сириос ѝ го даде на својата ќерка најубавиот подарок на светот – здраво бебенце.
Линда, Ејнџел и малиот Меден
Храбрата Линда се породила со царски рез на 13 август и го родила здравиот Меден Хеберт. Во операционата сала веднаш до Линда била и 25-годишната Ејнџел. „Беше неверојатно. Тоа беше прекрасно, прекрасно доживување“ – изјавила Ејнџел.
Ејнџел и Брајан во операционата сала со Линда
Лево: Линда и бебето. Десно: Ејнџел и бебето.
Долги години Линда ѝ велела на својата ќерка дека ќе влезе во улогата на сурогат-мајка ако таа не може да забремени. Минатото лето докторите им кажале на Ејнџел и нејзиниот сопруг Брајан дека нема да можат да се радуваат на безбедна бременост. „Беше многу разочарувачки и бевме многу вознемирени поради тоа“ – изјавила Ејнџел. Тогаш таа решила да ја прифати понудата на мајка си.
Оплодувањето било направено со ин-витро. Бременоста не ѝ создала проблеми на Линда, која вели дека ова ѝ била многу полесна бременост во споредба со четирите претходни.
Ејнџел и Линда во текот на бременоста
Линда гледа на ваквата бременост како на нешто најнормално. „Што се однесува до мене, сè беше многу едноставно. Јас го сфатив тоа како да го чувам детето неколку месеци. Во текот на целото време тоа беше нивно дете. Јас бев само простор за изнајмување“ – изјавила таа.