Џон Бон Џови и неговата сопруга Доротеа се совршен пример дека љубовната искра не згаснува ниту по речиси три децении брачен живот.
Славниот пејач ја доби поддршката од неговата животна сопатничка на хуманитарен настан организиран за 10-годишнината од основањето на неговата фондација „JBJ Soul Foundation“.
На црвениот тепих во Њујорк, 54-годишниот музичар и неговата 54-годишна сопруга прегрнати и со широки насмевки позираа пред фоторепортерите.
Џон и Доротеа ја започнаа својата љубовна приказна уште во средношколските денови. И покрај неколкуте прекини, тие секогаш се враќаа еден кај друг. „Го направив вистинскиот избор уште првиот пат. Таа е најдобра, ја обожавам“ – изјави Џон минатата година.
Коментирајќи го својот брак, тој вели: „Фактот што таа е независна и не е посесивна помага многу. Таа е многу силна жена. Јас сум доволно мудар да разберам дека жените се многу поумни од кој било маж и дека жените го контролираат светот.“
Џон и Доротеа заедно имаат четири деца.
За време на настанот, Бон Џови изведе неколку од неговите најголеми хитови.
„JBJ Soul Foundation“ е непрофитна организација која се фокусира да им помогне на гладните и бездомните лица во САД и да ја подигне свеста за проблемите од ваков тип.