Виторија Буено е инспиративна девојка која руши бариери и покажува дека со многу труд и посветеност, сè е возможно.
16-годишната Бразилка е родена без раце, но не дозволи овој хендикеп да ја спречи да си го оствари сонот да стане балерина.
„Можностите доаѓаат маскирани како препреки за да ја тестираат моќта на нашата волја“ – пишува младата девојка.
„За мене, рацете се само детаљ. Кога танцувам, со очите следам како рацете да се тука. Не чувствувам потешкотии или потреба да имам раце“ – изјавила инспиративната тинејџерка, која има речиси 400 илјади следбеници на Instagram.
Со својот талент за танцување, Виторија се истакна на шоуто „Supertalent“ и освои златно копче.
„Ние сме многу повеќе од нашите недостатоци, затоа мора да ги следиме нашите соништа“ – додава Вито.
„Има нешта кои таа ги прави со нејзините нозе, кои јас не можам да ги направам со моите раце“ – изјавил нејзиниот очув.
Мајката на Виторија изјавила дека била загрижена дали нејзината ќерка ќе биде прифатена од останатите девојки на часовите за танцување.
„Кога таа ќе одеше на прошетка, луѓето ѝ ги креваа ракавите на блузата за да видат. Луѓето ме повредуваат. Нејзиниот хендикеп ме плашеше, но не толку многу колку однесувањето на другите луѓе“ – рекла мајката.