1.200 ученици во Бутел го формираа најголемото македонско знаме, додека Андријана Јаневска ја пееше химната
Околу 1.200 ученици учествуваа во формирањето на најголемото македонско знаме.
Учениците се обединија во Општина Бутел и го „формираа Македонското знаме, кое е симбол на независноста, заедништвото и достоинството“. Оваа вест ја сподели градоначалникот на Бутел, Дарко Костовски, велејќи дека треба да ги зачуваме нашите вредности.
Пејачката Андријана Јаневска ја изведе македонската химна.
Еве ја објавата на Костовски:
ЦРВЕНО ЖОЛТ БУТЕЛ
НАД 1.200 УЧЕНИЦИ ГО ФОРМИРАА НАЈГОЛЕМОТО МАКЕДОНСКОТО ЗНАМЕ!
Стоиме заедно обединети под светлината на нашето Македонско знаме! Во црвено и жолто, го формиравме најголемото Македонско знаме!
Благодарност до Андријана Јаневска која на маестрален начин ја изведе нашата Македонска химна!
Со особена гордост го одбележуваме овој значаен момент формирање на Македонското знаме, кое е симбол на независноста, заедништвото и достоинството. Тоа нѐ повикува да бидеме обединети, горди и одлучни во зачувување на нашите вредности.
Знамето и химната се симболи на државност и секој еден од нас треба да се идентификува и да ги почитува националните симболи на Република Македонија.
Овој чин нѐ прави горди и говори за љубовта кон татковината и почитта кон нејзините историски вредности.
Развивање на чувството кај младите луѓе да си ја сакаат, почитуваат, штитат и чуваат татковина, и да ги почитуваат сите нејзини национални белези и симболи за нас е важен момент.
Македонија вечна!
ФОТО: Facebook/ Дарко Костовски