Нови научни знаења со цел напредок во грижата за пациентите, голем број интерактивни сесии со практични случаи за управување со васкуларен пристап како и предизвикувачки сценарија за ТАВИ, беа само дел од презентираното за време на првиот регионален собир My Sofia Valves кој се одржа на почетокот на април во Универзитетската болница „Света Ана“ во Софија, Бугарија. Секако најголем интерс предизвика сесијата посветена на „Предизвикувачки случаи и компликации“.
На овој курс учествуваше и дел од ангио тимот на „Клиника Жан Митрев“ предводен од д-р Вилма Ампова-Соколов – кардиолог и сестрите Сузана Костовска и Соња Русевска.
