Според најновите информации од Министерството за здравство, регистрирани се 13 нови случаи на коронавирус, со што вкупната бројка на заболени од КОВИД-19 кај нас се искачи на 1.399.
По градови, новозаболените се од Скопје (4), Куманово (5), Прилеп (2) и Тетово (2).
Во изминатото деноноќие потврдени се 53 оздравени пациенти. По градови: Скопје (25), Куманово (13), Прилеп (5), Струга (1), Битола (4), Охрид (1) и Кочани (4).
На Клиниката за инфективни болести и фебрилни состојби починаа две лица, 58-годишна пациентка од Желино (Тетово) примена на клиниката на 21 април со тешка форма на болеста и 81-годишна пациентка од Куманово, лекувана на клиниката од 15 април. И двете пациентки страдале од висок крвен пристисок.
Во ГОБ „8 септември“ почина 1 лицe од Куманово на возраст од 47 години, примен на болничко лекување на 3 април во тешка состојба и долго време приклучен на респираторна машина. Почина и пациент од Битола кој се лекуваше во болницата во Битола. Пациентот бил на возраст од 66 години и во тешка општа состојба, со срцева слабост и цироза.
Според местото на живеење, досега случаи на КОВИД-19 се регистрирани во:
- Скопје – 475
- Куманово – 376
- Дебар – 51
- Штип-34
- Прилеп –143
- Тетово – 75
- Струга – 64
- Велес – 66
- Битола –19
- Охрид –15
- Кавадарци – 5
- Гостивар –15
- Гевгелија – 4
- Струмица – 2
- Крива Паланка-5
- Радовиш – 4
- Крушево – 3
- Кочани – 28
- Пробиштип – 2
- Кичево – 2
- Неготино -4
- Демир Хисар – 1
- Македонски Брод -2
- Пехчево- 1
- Валандово -1
- Виница – 2
На Клиниката за инфективни болести и фебрилни состојби е примен 1 нов пациент, а хоспитализирани се вкупно 61. Од нив 18 се со потешка клиничка слика и на кислородна поддршка, а 5 пациенти се на механичка вентилација.
Во ГОБ „8 септември“ примени се 8 нови пациенти, а вкупно хоспитализирани 32. На респираторна машина се 7 пациенти, а со потешка клиничка слика уште 4.
Во болницата во Битола се хоспитализирани 7, а се следат вкупно 8 пациенти во домашно лекување, додека во болницата во Штип се лекуваат 2 пациенти, а се следат уште 9. На инфективните одделенија во болниците во Куманово, Велес и Прилеп се хоспитализирани 50 пациенти, потврдени и суспектни на КОВИД-19.
Во изминатите 24 часа направени се 289 тестирања.
