Зухаир Мурад ја интензивира свадбената магија со венчаници кои е невозможно да не ви го задржат погледот.
Либанскиот дизајнер ја претстави колекцијата невестински фустани есен/зима 2022 и наиде на одушевување.
Во однос на инспирацијата за фустаните, од брендот појаснуваат: „Безвременскиот дијамант, кој им е драг на женските срца и кој освојува со својот сјај, го инспирираше Зухаир Мурад да дизајнира колекција современи и живописни невестински фустани, кои блескаат со илјадници светла.“
Силуетите тип „принцеза“ доминираат во колекцијата, но има и неколку модели во „сирена“ стил, кои со специјални додатоци се трансформираат во волуменозни креации.
