Зухаир Мурад фасцинира со уште една невестинска колекција, која има моќ суптилно да се протне во соништата на секоја идна невеста.
Либанскиот дизајнер ги претстави најновите венчаници кои сведочат за забранетата љубов и гравитираат околу страста, невиноста, искушението и копнежот.
„Колекцијата лебди низ играта на светлина и сенка. Деликатната чипка е навезена и испреплетена околу облините на невестата. Тенките слоеви од свила и тул ја обвиваат невестата во мистерија, треперејќи додека таа се движи, сокривајќи ја и откривајќи ја нејзината убавина во совршена хармонија“ – стои во описот на колекцијата.
