Златни раце и големо срце: Д-р Чадиковски успешно оперираше бебе тешко само 980 грама со вродена срцева мана
Владимир Чадиковски со право го носи епитетот „чудо од доктор“.
Македонскиот детски кардиохирург и неговиот тим успешно изведоа исклучително деликатна операција на срцето кај предвреме родено бебе. Позитивната вест д-р Чадиковски ја сподели на социјалните мрежи, оддавајќи им признание на сите вклучени во големиот медицински предизвик, но и на семејството кое им ја доверило грижата за своето малечко.
На фотографијата која ја објави, медицинскиот експерт кој има и свој поткаст за здравје, откри повеќе детали за интервенцијата:
„Денес успешно извршивме сложена кардиохируршка интервенција кај предвреме родено бебе, во 28. гестациска недела, со вродена срцева мана и телесна тежина од само 980 грама.
Браво за целиот тим за посветеноста и професионалноста, а особено и за семејството за огромната доверба, сила и поддршка.
Следуваат внимателно следење и важни денови на опоравување. Се надеваме на добар тек и брзо закрепнување. ❤️“