„Животот е еден“: Антониа Гиговска полна со благодарност по објавувањето на песната со Благица Павловска и Роберт Спасенцовски
Антониа Гиговска не ја крие среќата по позитивните реакции за нејзиното најново музичко остварување, „Чукај, чукај“, со Благица Павловска и сопругот Роберт Спасенцовски.
Македонската пејачка во објава полна со благодарност сподели колку многу ѝ значи поддршката, најавувајќи дека ова е само почеток на новата музичка приказна која следува со албумот „Жена“.
Сè уште не можам да си дојдам на себе 🥰 Не можам да ви опишам колку сум среќна! Благодараааам до небо за сите позитивни коментари. Ова беше проект во кој верувавме многу, ова е проект кој треба да буди само насмевки на вашите лица, ова е проект кој треба да ве потсети дека животот е еден и треба да се живее! Вреди да живееме онака како што ние сакаме, така што гушнете се и кажете си по некој убав збор, живејте го животот! ❤️
Многу ми е мило што со оваа песна го најавив албумот „Жена“ и останатите 5 песни што треба да излезат наскоро ❤️ Едвај чекам да ги слушнете сите, секоја една од нив е Антониа, секоја со своја приказна, секоја сама по себе посебна.. Бидете спремни и за по некоја баладичка, и она што навистина мислам дека го очекувате од мене ❤️🥹
До тогаш ви испраќаме љубов!
Антониа, Благица и Роберт ✨
Потсетете се на „Чукај, чукај“:
ФОТО: Instagram / Antonia Gigovska